Beth mae buchod yn ei fwyta?
Mae buchod angen deiet blasus, cyson i gadw’n iach a hapus. Meddai’r maethegwr buchod Tim Davies: “Maen nhw angen deiet maethlon a chytbwys. Os gall ffermwr gael hwnnw’n iawn, bydd yn gwella iechyd a lles y fuwch – a gall gynhyrchu mwy o laeth hefyd.”
Mae’r rhan fwyaf o fuchod llaeth Prydain yn bwyta glaswellt yn ystod yr haf a silwair (glaswellt neu india-corn cadw) yn y gaeaf. Fel arfer ychwanegir porthiant sych at hwn, megis grawnfwyd a bwydydd protein sy’n cynnwys fitaminau a mwynau ychwanegol. Mae pob buwch laeth yn bwyta rhwng 25 a 50kg o fwyd y dydd ac mae angen cyflenwad cyson o ddŵr glân arni.
Mae faint mae’r fuwch yn ei fwyta’n dibynnu ar ei brid, ei hoedran a ph'un ai yw’n llaetha ai peidio, a dyna pam y mae nifer o ffermwyr yn cael cyngor arbenigol i ddatblygu’r deiet cywir.
Gwyliwch ein fideo maethegwr buchod i ddysgu mwy.